BYD жаңа Xia минивэніне тапсырыс қабылдай бастады

Компания бір ай бұрын белгілі болған жаңа Xia минивэніне алдын ала тапсырыс қабылдап жатыр. Бірақ бренд оның интерьерін ресми түрде көрсетпеді, толық сипаттамасы туралы ақпарат бермеді, тіпті прайс-лист жоқ. Cnevpost хабарлағандай, жаңа өнім туралы кейбір мәлімет тек дилерлердің арқасында жария болған.

BYD Dynasty топтамасына кіретін модель Ся әулетінің құрметіне аталған. Xia-ның ұзындығы бес метрден асады, ал дөңгелек базасының ұзындығы үш метрге жуық.

Dynasty топтамасының басшысы Лу Тянь Weibo әлеуметтік желіде BYD Xia өлшеміне қарамастан өте үнемді және динамикасы жақсы болады деп мәлімдеді. Компания машинаны DM гибрид күштік құрылымымен жабдықтауы мүмкін. Оның қуаты артқанмен, отын тұтыну мөлшері азайды. Алдын ала мәлімет бойынша Xia-ның ең арзан модификациясы 156 ат күшіне ие іштен жанатын қозғалтқыш пен 272 ат күші бар электромотормен жүреді, бірақ болашақта толық жетекті үш моторлы нұсқасы шығады. Xia жақсарған DiSus-C аспасын алуы мүмкін.

1 / 6

• 
• 
• 
• 
• 
• 

1 / 6

Премьера кезінде өндіруші BYD Xia-ның бастапқы бағасы 300 мың юаньнан (шамамен 20.5 млн теңге) аспайды деп уәде берген. Бірнеше күн бұрын дилердегі дереккөздер көліктің құны 289 800-350 000 юань аралығында болатынын мәлімдеді. Осылайша жаңа өнім Denza D9 моделімен бір баға сегментінде болмайды. Бұл вэн премиум болып есептеледі, бағасы — 339 800-606 600 юань (41 млн теңге).