BYD Song L DM-i кроссоверінің алғашқы фотосын жариялады

BYD Song L деп аталатын жаңа кроссовердің алғашқы суретін жариялады. Марка топтамасында осындай атаумен шыққан электромобиль бар, одан айырмашылығы жаңа өнім гибрид болады. BYD топ-менеджерлерінің белсенді әрекетіне қарағанда, машина жақында саудаға шығатын сияқты.

Электрлі BYD Song L кроссоверден гөрі кросс-купе немесе универсалға көбірек ұқсайды. Жаңа Song L DM-i дәстүрлі сырт пішіні және шағын өлшемімен ерекшеленеді. Оның өлшемі — 4780×1898×1670 мм, дөңгелек базасы — 2782 мм.

1 / 8

• 
• 
• 
• 
• 
• 
• 
• 

1 / 8

Song L DM-i концерн биыл көктемде таныстырған бесінші буынды бензин-электрлі күштік құрылыммен жабдықталады. BYD дәстүрлі мотор мен электромотор жұбы бұрынғыларға қарағанда әлдеқайда тиімді екенін, жүріс қоры 2000 километрден асатынын мәлімдеді.

Кроссовер 18.3 немесе 26.6 кВт⋅сағ аккумулятордың бірімен біріккен 100 ат күшіне ие 1.5 литрлік бензинді мотормен жүреді. Ал электромотрдың қауты жайлы қазірше ақпарат жоқ.

Марканың DM жүйесі бар алғашқы моделі Qin L седаны болған, ол жоғарыда біз атаған дәстүрлі мотор және 163 немесе 218 ат күшіне ие электромотормен жүреді. Седан кроссоверге қарағанда сыйымдылығы аз батареямен жабдықталған. Бірақ седан бензин багы мен батареясы толы кезде 2100 шақырым жол жүре алады.