Шанхайдағы автошоуда тұсаукесері өткен BYD Seagull («Шағала») нарыққа шықты, бағасы — 78 мың юань (11 300 АҚШ доллары). Бұл оның субкомпакт сегментінде ең арзан көлік атануына ықпал етті. Ал Tesla Model 3-тің арзаны Қытайда 299 900 юань тұрады.
Seagull-дың салоны кәдімгідей кең, Көлемі — 3780×1715×1540, дөңгелек базасы — 2500. BYD өз клиенттеріне алдыңғы жетекті, жылдамдығы 130 шақырымға жететін екі нұсқасын ұсынады. Бір агрегат 74 ат күшіне ие, екіншісі 100 ат күшін береді. Базалық натрий-ионды батарея көліктің 305 км жол жүруіне мүмкіндік береді, сыйымдылығы жоғары (38 кВт·сағ) аккумуляторы бар машина 405 шақырымды еркін еңсереді. Машинаны 80 %-ға дейін жарты сағатта қуаттауға болады.
Бастапқы бағасы төмен екенін ескерсек, интерьеріне қатысты көп сұрақ қоя алмайсыз. Дегенмен мамандар стандарт көлікке 5 дюймдік аспаптар панелі мен 12.8 дюймдік планшет, сымсыз қуаттағыш орнатқан.
BYD Seagull өз отанында шыға сала хит болды. Бір тәулікте бренд 10 мың тапсырыс қабылдаған. Машина басқа елдерде сатыла ма, әзірше белгісіз.
Комментариев: 0