BYD Қытайда көлікті жылдам қуаттайтын станция салады

Компания аса жылдам қуаттайтын станцияларды көбейту жоспарын жариялады. 15 мың мегақуаттау желісін салу үшін концерн серіктестерінен көмек сұрамақшы. Жаңа желі қашан толық іске қосылатыны белгісіз.

BYD көктемнің басында көрсеткен құрылғысын орнатады. Megawatt Flash Charger-дің қуаты 1 мегаватқа жетеді және бір секундта 2 шақырымға жететін энергия қорын толтыра алады. Яғни, 400 шақырымдық жүріс қорын жинауға небәрі 5 минут кетеді. Қазір BYD-дің 1000 вольттық архитектураға негізделген Han L седаны мен Tang L кроссовері ғана мұндай қуатты қабылдай алады.

10 мың желіні орнатуға Xiaoju компаниясы жәрдемдеседі. Бұл — Қытайдағы DiDi такси агрегаторының қуаттау инфрақұрылымын дамытуға жауапты бөлімшесі. Концерн LongShine компаниясымен де әріптес болады. Ол Қытайдың 400-ден астам қаласындағы қоғамдық қуаттау бекеттеріне қызмет көрсетеді.

Премьера кезінде BYD өз отанында 4000-нан астам бекет орнатуға уәде берді. Жергілікті басылымдары хабарлағандай, қазір шамамен 500-і іске қосылған. Концерн станцияларда энергия жинау мүмкіндігі болады деп отыр, бұл электр қуаты жеткіліксіз ауданда жылдам қуат беруге көмектеседі.