BYD Оңтүстік Кореяға электромобиль ұсынады

Оңтүстік Кореяның автомобиль нарығы Қытайдың BYD брендімен толығады. Автоөндіруші биыл үшінші тоқсанда жеңіл көлік сататын бөлімшесін ашады деген ақпарат пайда болды.

Кореяда компанияның бірнеше электромобилі, соның ішінде орташа көлемді седан сатылады. Ол әлемдік жыл көлігі атағына үміткер 10 үздіктің қатарына кірген Seal моделі болса керек.

Компания көліктеріне сертификат алу үстінде, сондай-ақ экологиялық таза көлікке субсидия алу үшін барлық тексеруден өтіп жатыр. Бренд өкілдері жергілікті дилерлермен келіссөз жүргізуде. BYD электромобильдерінің алғашқы көріністік үлгісі шілдеде шоурумдарға шығады.

BYD Оңтүстік Корея нарығына қоғамдық көлікпен кірген. Былтыр күзде жүріс қоры 474 шақырымға жететін 9 метрлік eBus9 электрлі автобусын сата бастады, былтыр оның 726 данасы өтті.