BYD Бейжің автосалонында көрсеткен BYD Ocean-M хот-хэтчі марканың «Океан» топтамасындағы сериялы өнім болады, ол Seal X деп аталады. Машинаның сырт пішіні айтарлықтай өзгергенмен, қуатты күштік құрылымы сақталуы мүмкін.
BYD Seal X-тің өлшемі — 4630×1880×1490 мм, дөңгелек базасы —2820 мм, дөңгелек дискісі — 18 дюймді. Сериялы көлікте концептінің алдыңғы бампері мен борттағы өрнектер сақталған, бірақ Seal X-те аэродинамикалық бастырық болмайды әрі аса агрессивті көрінбейді.
Электрокардың артқы жетекті және толық жетекті нұсқасы сертификат алды. Біріншісі 218 ат күшіне ие мотормен жүреді, ал екі моторлы Seal X 421 күшке ие. Өзге BYD өнімдері сияқты жаңа хетчбэк литий-темір-фосфатты батареямен жабдықталған, бірақ техникалық сипаттамасы қазірше белгісіз.
Өнеркәсіп министрлігі Seal X басқа атаумен саудаға шығуы мүмкін екенін хабарлады. X-пен бірге Seal 06GT, Seal Mini және Seal 05EV атауы тіркелді. Бірақ электрокар суретінде Х әрпі тұр.
Қытайда сәуірде Seal топтамасының 14 269 автомобилі өтті. Жаңа өнім ол қатарға қашан қосылатыны әлі белгісіз.
Комментариев: 0