BYD Chazor (Destroyer 05) Қазақстанда қанша тұрады

Биыл желтоқсанның ортасында Chazor DM-i гибрид седаны біздің елде саудаға шығады. Модель осы экспорттық атаумен 2024 жылдан бері Өзбекстанда жасалып, саудаланып жатыр.

Chazor сөзінің дұрыс транскрипциясы — [ˈtʃeɪ.zɔːr], яғни «чейзор», Өзбекстандағы жүргізушілер айтып жүргендей «чазор» емес.

Бізге бұл модель BYD Destroyer 05 ретінде таныс. Оны елге жеке импорттаушылар әкеліп жүр және жолда жиі көзге түседі.

1 / 11

• 
• 
• 
• 
• 
• 
• 
• 
• 
• 
• 

1 / 11

Chazor 1.5 литрлік бензинді қозғалтқыш (110 а.к.) және алдыңғы осьтегі электромоторға қуат беретін 18.3 киловаттық Blade Battery аккумуляторымен жүреді. Көлік — тізбекті-параллел plug-in гибрид, яғни ІЖҚ батареяны қуаттауға арналған, бірақ үдеу кезінде және жоғары жылдамдықта дөңгелекті тікелей айналдырады. Автомобильдің электромоторы 197 ат күшін береді, жүріс қоры 1240 км-ге жетеді, оның 120 шақырымын электр қуатымен еңсере алады. Гибридті сыртқы қуат көзінен қуаттауға болады.

1 / 9

• 
• 
• 
• 
• 
• 
• 
• 
• 

1 / 9

Седанның салоны жайлы, көбінесе электрлі жетекпен жұмыс істейтіндіктен тыныш. Біздің нарықта Luxe (10 990 000 теңге) және Flagship (13 990 000 теңге) ортаңғы 12.8 дюймдік мультимедиа дисплейі, қазақ және орыс тілі қосылған 8.8 дюймдік аспаптар панелі, айнала шолу жүйесімен жабықталады. Барлық оптикасы жарықдиодты. Комплектациядағы айырмашылық жүргізуші ассистенттері мен жылыту опцияларында. Мысалы, Luxe нұсқасында рөл жылытқыш жоқ, ал Flagship-те бар.

Бренд BYD Chazor-дың батареясы мен электромоторына 8 жыл немесе 150 000 км, автомобильдің өзіне 6 жыл немесе 150 000 км кепілдік береді, жүріс бөлігі мен мультимедиа жүйесіне 4 жыл немесе 120 000 км бөлек кепілдік ұсынады.

Chazor-дың жеңілдікті бағасы желтоқсанның аяғына дейін өзгермейді, бірақ 2026 жылдың 1 қаңтарынан кейін қымбаттайтыны анық.