Жыл басында былтыр BYD клиенттеріне 3 024 417 машинаның кілтін тапсырғаны белгілі болды, оның 1.57 миллионы — электр күшімен жүретін гибрид, 1.4 миллионы — толыққанды электромобиль.
Сол уақытта Tesla тапсырыс бергендерге 1 808 581 машина жолдап, ең ірі электрокар өндіруші деген атағын сақтап қалды. Алайда екі компанияның арасы алшақ емес, биыл қытайлар көш бастауы әбден мүмкін.
BYD компаниясының мұндай табысқа жетуіне өзі батарея жасап, өндіруі ықпал етті. Оның үстіне BYD оны Tesla сияқты бәсекелестеріне сатып жатыр.
Bloomberg басылымына сұхбат берген Snow Bull Capital хедж-қорының басшысы Бриджет Маккарти «Автомобиль саласында бәсекелестер ортасы өзгерді. Қазір компанияның бай мұрасы мен ол шығаратын автомомбиль саны емес, инновация енгізу жылдамдығы маңызды» — деді.
Комментариев: 0