Бруно Сакко өмірден озды

Бруно Сакко Mercedes-Benz-тің фирмалық дизайны көпшілікке концерн автомобильдерінің техникалық жетістігін көрсетіп, кемшілігін жасырып тұруы керек деп санайтын.

Осыған орай ол машина дизайнын сызғанда сән қумай, функциялық талғампаз принципке берік болды. Көлік иесі өзін болашағы бұлыңғыр ескірген машина мініп жүргендей сезінбеуі үшін ол әрбір жаңа модельдің өзіне сай стилистикалық шешім дайындады.

1 / 6

Mercedes-Benz W123

1 / 6

Бруно Сакко компаниядағы бірнеше әріптесімен бірге өте кемел жұмыстар жасады. Оған W201, W123, W124, W201, W126, W140, W220 индексті «мерседестер» дәлел. Олар ондаған жыл өтсе де өз құнын жоғалтпай, әлемнің әр түкпірінде әлі жүр.

Бруно тек үш сәулелі жұлдызы бар машина мінді. Бұл әдет 1999 жылы зейнетке шыққанға дейін бүкіл өмірін арнаған брендіне деген сүйіспеншілігінен туған.

1 / 5

Mercedes-Benz S-Class (W140)

1 / 5

Шебердің opus magnum-ы 140-шанақты S-класс болды. Бруно бұл машинаны ауыр көрінетіні және аса ірі болуына байланысты онша сәтті шықпаған модель деп сипаттаған. Бірақ бұл пікірге келісу қиын.

Комментариев: 0