Brembo компаниясы тежеуіш жүйелері нарығындағы көшбасшылардың бірі, бірақ оның G Sessanta деп аталатын жаңа концептісі геймерлерге арналған сәнді аксессуарды еске салады. Арнайы қосымша арқылы басқарылатын тежеуіш суппорты Brembo-ның 1972 жылы шыққан алғашқы өніміне ұқсайды.
Қысқа презентацияда жүйені мотоциклде қолдану әдісі көрсетілген, ал оның сериялы нұсқасы автокөлікке орнатылады.
G Sessanta-ның түрлі түсті жарығы сән үшін емес, байланыс үшін қажет. Өндірушілердің есебі бойынша жарықдиод қалыпты (колодка) қашан ауыстыру керегін ескертіп, ақау жайлы хабарлайды. Одан бөлек артқы суппорт қосымша тоқтау сигналы қызметін атқарады.
Жүйе бірнеше айрықша функцияға ие. Видеодан оның мотоцикл ұрлығының алдын алатын құрылғы ретінде көп қолданылатын тежеуіш дискісінің құлпын алмастыратынын көруге болады. Сонымен қатар механизмнің ішінде техниканың тұрған орнын көрсететін GPS-модуль бар.
G Sessanta-ның тауарлық нұсқасын біз көрмейтін шығармыз. Дегенмен концепт авторларының кейбір идеясы бір-екі жылда жарық көруі әбден мүмкін.
Комментариев: 0