Brembo Öhlins-ты өзіне қосып алды

Италияның Brembo компаниясы швециялық Öhlins Racing фирмасының 100 % акциясын сатып алды, ол үшін бұрынғы иесі — АҚШ-тың Tenneco концерніне 405 млн доллар төледі.

1976 жылы негізі қаланған Öhlins Racing Швеция мен Таиландтағы зауытында мотоцикл мен автомобильге арнап спорттық аспа компонентін шығарады, өзінің ғылыми-зерттеу және сынақ орталығы бар. Öhlins көп жылдан бері MotoGP және World Superbike жарыс командасымен серіктес болып келеді. Ferrari-дің F1 чемпионатына қатысатын болиді Öhlins амортизаторын пайдаланады.

Brembo Öhlins Racing фирмасын мотоцикл мен автоспорт саласындағы табысын арттыру үшін сатып алды, қазір компанияның екі дөңгелекті көлік саласындағы бизнесі жалпы кірістің 13 %-ын құрап отыр.

Айта кетейік, 2000 жылы Brembo жарысқа арналған тежеуіш жүйесін шығаратын британиялық AP Racing компаниясын, 2021 жылы даниялық SBS Friction мен Испанияның J.Juan фирмасын сатып алған. Сондай-ақ компания құрамына Sabelt (пассивті қауіпсіздік жабдығы), Marchesini (дөңгелек дискісі) және т.б. брендтер кіреді.