Бразилияда Қытай көліктерді көбейді

Қытай автомобильдерінің қаптауы Ресей, Еуропа және АҚШ-ты ғана емес, Бразилияны да алаңдатып отыр. Соңғы елде Қытайда шыққан жеңіл көлік импорты 2024 жылдың бірінші тоқсанында 2023 жылмен салыстырғанда 450 % өскен деп хабарлады Reuters.

Бразилияға кірген көліктердің 40 %-ы Қытай маркасының өнімдері, оның көбі гибрид немесе электромобильдер. 2024 жылдың бірінші тоқсанында елде сатылған 36 090 гибридтің 14 939-ын BYD, 5735-ін Great Wall және 5049-ын Toyota жеткізген.

Отандық автоөндірісті қорғау үшін Бразилия үкіметі салық мөлшерін көбейтті. Бұрын электромобиль импортына салық салынбайтын, қаңтардан бастап көлік құнының 10 %-ы мөлшерінде алым төлеуге тура келеді. Биыл шілдеде бұл көрсеткіш 18 %-ға өсіп, 2026 жылғы шілдеде 35 %-ға жетеді. Ал гибрид машинаға қаңтардан бастап 15 % салық салынады, жоғарыда аталған кезеңдерде алым мөлшері 25 және 35 %-ға жетеді.

Осыны ескерген BYD Бразилияда өнеркәсіп кешенін салуды жеделдетіп, биыл жыл аяғына дейін аяқтауды жоспарлап отыр. Зауыт жылына 150 000 экологиялық таза автомобиль шығарды, ол қатарда бюджеттік Dolphin хетчбэгі, Song Plus және Yuan Plus кроссовері болады.