Brabus тюнерлері ең жылдам S-кластың қуатын арттырды

Brabus ательесі жаңа жұмысын көрсетті, негіз ретінде AMG S 63 E Performance нұсқасындағы Mercedes-Benz S-Class флагманын алды. Мамандар седанның күштік құрылымын, шассиін, сырт келбетін және салонын толықтай өзгертті. Brabus 930 кем дегенде 405 мың еуро тұрады. Ол AMG-дің стандарт S-класынан шамамен екі есе қымбат.

1 / 11

• 
• 
• 
• 
• 
• 
• 
• 
• 
• 
• 

1 / 11

S 63 E Performance 4 литрлік V8 моторымен және электрлі қозғалтқышпен жабдықталады,екі мотордың жалпы қуаты 802 ат күшіне (1430 Нм) тең. Brabus тюнерлері электрлі күштік құрылымға тиіспеді, бірақ бензинді мотордың күшін жаңа турбокомпрессорлармен арттырды. Нәтижесінде екі қозғалтқыш 930 ат күшін (1510 Нм) беріп, 9 сатылы автомат қорабымен және толық жетек жүйесімен үйлеседі.

Brabus 930 алғашқы жүздікті 3.2 секундта (стандарт нұсқадан 0.1 секунд жылдамырақ) еңсереді. Ателье максимал жылдамдық шектеуішті өзгертіп, 250-ден 290 км/сағ-қа ауыстырды. Автомобильде бірнеше режимде жұмыс істейтін ұшы карбон мен титаннан жасалған арнайы газ шығару жүйесі бар. Жаңа аспаны басқару модулі керек кезде клиренсті қосымша 10 мм төмендете алады.

1 / 10

• 
• 
• 
• 
• 
• 
• 
• 
• 
• 

1 / 10

Тюнерлер седанды тежеуішті салқындататын және көтеру күшін азайтатын карбоннан жасалған аэродинамикалық бөлшектермен безендірді. Жақсарған седан 22 дюймдік құйма дөңкелек дискісімен ерекшеленеді. Компания салонын сатып алушының таңдауына қарай қымбат былғарымен қаптап береді, қазір толығымен қара және ашық көк түсті нұсқалары бар. Интерьері карбон ендірмелермен және тюнинг ательенің құрылған жылына сілтеме жасайтын 77 таңбасымен әрленген.