Brabus-тың «Гелендвагені» Rolls-Royce пен Ferrari-ден қымбат

Brabus ательесі стандарт Mercedes-Benz G 500 базасында жасалған Invicto Pure деп аталатын ерекше жол талғамайтын көлікті саудаға шығарды. Жобаның сырт пішіні немесе күштік агрегаты өзгермеді. Дегенмен Invicto Pure 500 633 еуро тұрады, қарапайым «Гелендвагеннен» төрт есе қымбат. Бұл ақшаға Rolls-Royce Cullinan немесе Ferrari Purosangue сатып алуға болады. Brabus мұны былай түсіндірді: бұл броневик.

1 / 9

• 
• 
• 
• 
• 
• 
• 
• 
• 

1 / 9

Brabus Invicto Pure-дің басты артықшылығы — VR6 класына сай кешенді қорғаныс. Көлік жолаушыларды қарудан, соның ішінде Калашников автоматының оғынан қорғай алады және 12 метр қашықтықтағы 33 кг тротил жарылысына төтеп бере алады.

Автомобиль бронды болат, керамика және композиттер сияқты бірнеше материал жиынтығынан жасалған қорғаныш панельдермен жабдықталған. Сонымен қатар оқ өтпейтін әйнек және 20 дюймдік мықты дөңгелектері бар зақымдануға төзімді шинамен қапталған. Мұндай машинада артқы жақтан оқ атқанда қорғайтын жүксалғыштағы бронды арақабырға болады, бірақ бұл экземплярдың сипаттамасында ол туралы айтылмаған.

1 / 6

• 
• 
• 
• 
• 
• 

1 / 6

Машинаны модель атауы жазылған жапсырмасынан, жаңа логотипі мен табалдырық қаптамасынан танисыз, ал салонда Brabus кілемшелері тұр.

Көліктің салмағы артқандықтан, шеберлер аспасын қайта баптап, күшті тежеуіштер орнатты. Қозғалтқыш өзгеріссіз қалды. Екі турбокомпрессоры бар V8 моторы 422 ат күшін және 610 Нм момент береді. Қозғалтқыш 9 сатылы автомат қораппен және толық жетек жүйесімен жұмыс істейді. Зауыттан шыққан Mercedes-Benz G 500 алғашқы жүздікті 5.9 секундта еңсереді, максимал жылдамдығы сағатына — 210 км.