Brabus әрлеген мың ат күшіне ие Mercedes-Benz S-класс

Brabus тюнинг-ательесі Brabus 1000 All Grey деп аталатын жаңа моделін көрсетті. Шеберлер Mercedes-Benz S-кластың AMG түрленімін жақсылап әрледі, машина ерекше көрінеді әрі жылдам қозғалады. Фирма дәстүріне сай негізгі өзгерісті көлік атауынан білуге болады: бұл S-кластың күштік құрылымының қуаты артып, экстерьері өзгерген. Бағасы — 560 мың еуро (293.5 млн теңге). Ал әдеттегі Mercedes-AMG S 63 E-Performance Германияда 210 мың еуро (110 млн теңге) тұрады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Кейінгі жобалар сияқты Brabus 1000 All Grey бір тонда әрленген. Седан алдыңғы сплиттер, артқы спойлер және өзгеше диффузормен ерекшеленеді. Тюнерлер машинаны хромнан тазартып, шанағы мен барлық карбон деталін сұр түске бояды. Сұр түсті 22 дюймдік дөңгелек дискісін орнатты. Газ шығару жүйесі титан немесе карбоннан жасалған.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Фирмалық аспаны басқару модулі седанның сырт пішіне динамика қосады, бірақ клиренсі 10 мм төмендейді. Brabus 1000 All Grey-дің интерьері толық жаңарған, шеберлер салонды қымбат былғарымен (сұр түсті) қаптап, көміртекті пластик жапсырмамен сәндеді.

Mercedes-AMG S 63 E-Performance 4 литрлік V8 және электромотордан тұратын гибрид күштік құрылымен жүреді. Жалпы қуаты — 802 ат күші мен 1430 Нм. Седан алғашқы жүздікті 3.3 секундта еңсереді, ал ең жоғары жылдамдығы — 290 км/сағ. Brabus агрегаттың электрлі бөлігіне тискен жоқ, ал бензинді мотордың көлемін 4.5 литрге ұлғайтты. Нәтижесінде агрегаттың жалпы қуаты 1000 ат күші мен 1820 Нм-ге жетті. Бірақ трансмиссияға зақым келтірмеу үшін қуатын 1620 Нм моментпен шектеген. Машина алғашқы жүздікті 3.1 секундта алады, бірақ ең жоғары жылдамдығы өзгерген жоқ. Жаңа Brabus 200 км/сағ жылдамдыққа 9.7 секундта жетеді.