Brabus 900 топтамасына кірген Bentley Continental GT

Brabus ательесі купе және кабриолет шанақты Bentley Continental GT-ге арналған тюнинг бағдарлама ұсынды. Сәнді гранд-турердің экстерьері мен интерьері өзгеріп, клиренсі төмендеді. Гибрид құрылымның қуаты 900 ат күшіне (1100 Нм) жетеді. Мұндай жобаның құны донордың бағасын есептемегенде 200 мың еуроны (122 млн теңге) құрайды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Купе мен кабриолет карбон бастырық алды, онымен Continental GT сұсты көрінеді. Жаңа радиатор торы мен басқаша бампердің арқасында мотор бөлігі және алдыңғы тежеуіштер жақсы салқындайды әрі алдыңғы осьте көтеру күші төмендейді.

Bentley логотипінің пішіні өзгермейді, бірақ Brabus стиліне тән болады.

Тюнерлер артына спойлер мен диффузор, 22 дюймдік Monoblock ZM дискісін орнатты. Аспасы жақсарған соң гранд-турердің клиренсі 20 мм төмендеді.

Стандарт 4 литрлік V8 арнайы турбоүрлем жүйесімен және басқару блогымен жабдықталады, соның арқасында қуаты 710 ат күшіне (900 Нм) тең. Газ шығару жүйесін реттеуге болады. Электрлі қондырғы өзгеріссіз қалады. Continental GT алғашқы жүздікті 2.9 секундта (зауыттық нұсқадан 0.3 секунд жылдам) еңсереді. Купе мен кабриолеттің ең жоғары жылдамдығы — 335 және 285 км/сағ.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Демо экземплярдың интерьері карбонмен және қара былғарымен қапталған, бірақ клиент қалаған түсін таңдай алады. Ателье Brabus 900 Superblack-ты да таныстырды. Ол тек қара түсті дизайнымен ерекшеленеді.