Brabus 600 Peetch — түсі ерекше Range Rover

Brabus ательесі Mansory дизайнерлерінен үлгі алған сияқты. Тюнерлер Peetch топтамасының алғашқы моделін ерекше шабдалы түсіне бояды. Ол Range Rover-ге негізделген, мамандар машинаның аэродинамикасын жақсартып, салонын жаңартты, пневматикалық аспаны әрлеп, қозғалтқыш қуатын арттырды.

1 / 11

• 
• 
• 
• 
• 
• 
• 
• 
• 
• 
• 

1 / 11

Range Rover жаңа алдыңғы бампер, өзгеше радиатор торы, ірі диффузор және жүксалғыш есігіндегі спойлермен толықты. Детальдер карбоннан жасалған, бірақ машина түсіне байланысты оны байқау қиын. Тюнерлер мұндай жаңа элементтер автомобиль аэродинамикасын жақсартатынын айтты.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Жол талғамайтын көлік 24 дюймдік «моноблокты» құйылған дөңгелек дискісімен жабдықталған. Аспа Brabus SportXtra модулімен жұмыс істейді, клиренсі 20 мм төмен болады. Шеберлер интерьерді шанақпен бірдей түсті былғарымен қаптап, карбон, алюминий және күңгірт қосымшамен әрлеген.

Brabus 600 Peetch 4.4 литрлік V8 моторымен жүретін Range Rover P530-ға негізделген. Қозғалтқыш қуаты 600 ат күші мен 800 Нм-ге (плюс 70 күш пен 50 Нм) жетті, соның арқасында алғашқы жүздікті еңсеретін уақыт 0.1 секунд қысқарып, 4.5 секунд болды. Ең жоғары жылдамдығы өзгерген жоқ — 250 км/сағ.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Ателье Brabus 600 Peetch-пен бірге осы топтаманың тағы бір моделі — толықтай шабдалы түсті Porsche 911 Turbo S кабриолетін көрсетті, ол Brabus 900 Peetch деп аталады. Оның 3.8 литрлік моторы енді 900 ат күші мен 1000 Нм береді. Екі автомобильдің де бағасы белгісіз.