Бос емес қиылысқа шыққан жүргізуші айыппұл төлейді

Ішкі істер министрлігіне қарасты Әкімшілік полиция комитеті Kolesa.kz редакциясына көлік толы қиылысқа шығып алғандарды тіркейтін жүйе Астанадағы Мәңгілік ел даңғылында 2023 жылы іске қосылып, сынақ режимінде жұмыс істегенін хабарлады. Құзырлы орган биыл сынақты аяқтап, вафельді таңбаны жол ережесіне қосуды жоспарлап отыр екен. Бұл таңба автомобильге оның үстінде бөгелуге тыйым салады.

Әкімшілік кодекстің 594-бабы, 1-бөлігіне сәйкес «көлденең бағыттағы жол жүрісіне кедергі келтіруге (кептеліске) әкеп соққан кептеліс пайда болған жағдайда жол қиылысына шыққаны немесе жолдың жүру бөлігін кесіп өткені» үшін шыдамсыз жүргізуші 3 АЕК (2024 жылы 11 076 теңге) айыппұл төлейді.

Бос емес қиылысқа шығуға тыйым салатын норма бұрыннан бар. Бірақ оны елеп жатқан адам аз. Салдарынан кептеліс туындап, қозғалыс қиындайды. Полицейлер де бұл жағдайға көп мән бермейді.