BMW жақында M8 өндірісін тоқтатады

BMW жақында M8 спорткарын конвейерден алып тастауды жоспарлап отыр. BMW Blog инсайдеріне сілтеме жасап хабарлағандай, модель өндірісі 2025 жылдың басында тоқтайды, M8-дің ізбасары болмайды. 8-сериялы топтаманың өзге өкілдерінің де тағдыры осындай болуы мүмкін.

1 / 11

• 
• 
• 
• 
• 
• 
• 
• 
• 
• 
• 

1 / 11

BMW дилерлерге M8-ге 20 желтоқсанға дейін түскен тапсырыстарды орындайтынын хабарлаған. Бұл бірнеше аптаға созылады, содан кейін гранд-турер бренд конфигураторынан алынады. Бірақ M8-дің шанағы ашық және Gran Coupe нұсқасы біраз уақытқа дейін шығады.

Басылым BMW әу баста стандарт «сегіздіктің» жаңа буынын 2026 жылғы модельдік топтың өкілі ретінде шығаруды жоспарлаған, бірақ қазір бұл жоспар уақытша тоқтап тұр, модельге қатысты түпкілікті шешім әлі шыққан жоқ деп жазды. 8-сериялы BMW онжылдықтың аяғына қарай топтамаға оралады деген ақпарат бар, бірақ Gran Coupe түрінде ғана жарық көреді. Өйткені осы шанаққа ғана сұраныс бар. Компания топтаманы жаңа Neue Klasse платформасына көшірмейді, бірақ жаңа «сегіздіктің» толық электрлі нұсқасы болады.

BMW M8 купесінен саудасы аз болғандықтан бас тартып отыр, өйткені гранд-турер сегментінде бәсеке өте жоғары. Купе 625 ат күшіне ие 4.4 литрлік V8 моторымен (Competition нұсқасы) жүреді, базалық нұсқасы 138 500 еуро (75.4 млн теңге) тұрады. Бұл Porsche 911 және BMW M5 құнымен шамалас.