BMW жаңа кроссоверлерін сервиске шақырады

Шілденің ортасында АҚШ-та жаңа кроссоверлерді сервиске шақырған BMW тағы кампания жариялады. Оған конвейерден бірнеше ай бұрын түскен флагмандық кроссоверлер ғана қатысады. Себеп — тізе қауіпсіздік жастығынан шыққан ақау.

Шілдеде қауіпсіздік жастығын құрастыру кезінде шыққан ақау сервистік кампанияға себеп болды. Жеткізуші Спартанбургтегі зауытқа бірнеше мың істен шыққан нұсқа жолдануы мүмкін деп ескерткен еді, жол апаты бола қалса, жастық дұрыс қосылмайды. BMW сынақ өткізіп, мұны растады.

Қазір шамамен 2.5 мың кроссовер дұрыс тігілмеген жастықпен жабдықталғаны анықталды. Ауа өткізетіндіктен, көлік апаты кезінде ол адамды толық қорғамайды.

Ақауы бар қауіпсіздік жастығын Мексикадағы кәсіпорыннан жеткізген екен. Енді концерн X5, X6, X7 мен флагмандық XM-дегі тізе эйрбэгін тегін ауыстырады. Бұның бәрі биыл мамырдың аяғы мен тамыздың ортасында шыққан автомобильдер.

Спартанбургте шыққан флагмандық жол талғамайтын көліктерді BMW АҚШ-та ғана емес, әлемнің басқа елдерінде де сатады. Бірақ әзірге Солтүстік Америкадан басқа еш елде сервиске шақыру туралы сыбыс шықпады. Ал маусымда өндіруші алдыңғы буындағы 37 мың BMW X5 пен X6 Ресейде болуы мүмкін деп хабарлады. Ол модельдердің алдыңғы қауіпсіздік жастығын ауыстыру керек.