BMW жаңа 3-сериялы моделін таныстырды

Бренд i3 индексті батареялы көлігін көрсеткен соң оның жанармаймен жүретін нұсқасын ұсынды. Ол да Neue Klasse стилінде жасалған, бірақ CLAR платформасының жақсарған нұсқасына негізделді, сол себепті габариті басқаша.

Представлена новая «трёшка», BMW 3-й серии — BMW i3 (сол жақта) және BMW M350 xDrive (оң жақта)

BMW i3-тің ұзындығы 4760 мм болса, бензинді машинанікі — 4765 мм. Еніндегі айырмашылық небәрі 15 мм: 1865 және 1850. Екеуінің дөңгелек базасы да екі түрлі. Электрлі седанның ось арасы — 2897 мм, бензинді көліктікі — 2860 мм.

1 / 12

BMW M350 xDrive

1 / 12

Салонында i3-тегідей 17.9 дюймдік мультимедиа экраны, алдыңғы панельдің енін бойлай орналасқан аспаптар панелі және ерекше пішінді рөл тұр. Бірақ жаңа модельді өзгеше ауатартқышы мен алдыңғы есік тіреуінде орналасқан динамиктерінен танисыз.

1 / 5

BMW M350 xDrive

1 / 5

Бұрынғы CLAR шассиін алғанмен, инженерлер дөңгелек қоятын бұрышын өзгертіп, жолтабан енін ұлғайтқан, жаңа тіреулер мен бейімді амортизаторлар қойған.

Жанармаймен жүретін модель 4 және 6 цилиндрлі агргеаттармен жабдықталады. Бірақ екіншісі тек бір түрленімде бар, ол — 443 ат күші мен 580 Нм момент беретін M350 xDrive. Қозғалтқыш 8 сатылы автоматпен, толық жетек жүйесімен және 48 вольтты стартер-генератормен жұмыс істейді. Мұндай техника алғашқы жүздікті 4.1 секундта еңсереді, максимал жылдамдығы сағатына 250 шақырымға жетеді. Марка өкілдері M350 те Drift Moment дрифт-режимінің көмегімен бүкіл тартым күшін артқы оське бере алатынын атап өтті. Алайда бұл функцияны келер жылы бағдарламасын жаңарту арқылы қосады екен.

1 / 11

BMW 320

1 / 11

Қарапайым машиналарда 2 литрлік қатарлы мотор, 48 вольтты стартер-генератор және 8 сатылы атвомат болады. Компания Еуропада мұндай күштік құрылымды 318 бен 320-ға қойса, Америкаға 330-дың 330 xDrive деген толық жетекті нұсқасын ұсынады.

Автомобиль Дингольфинг қаласындағы зауыттың конвейеріне тұрады. Қытайда да жасалуы мүмкін. АҚШ-та саудасы 2027 жылдың бірінші тоқсанында басталады. Болжамды бағасы 49 900 доллар (21.9 млн тг) шамасында. Ал үздік түрін таңдағандар кем дегенде 65 900 доллар (29 млн тг) санап береді.

Комментариев: 0