Әне-міне жарыққа шығады деп айтылған BMW X6-ның жаңа буыны әлеуметтік желіде «жарқ» етті. Оның «танауы» сегізінші серия стилінде жасалғанын суреттен байқауға болады. Айта кетер жайт, артқы оптикасы жүк салғыштың төбесімен біріктірілген спойлердің арқасында аггрессивті көрінеді.
Салонның суреттері жарияланбады, бірақ одан қандай да бір тосын сый күтудің қажеті жоқ секілді. Көліктің интерьері толықтай BMW X5-ке ұқсас болады. Мотор гаммасы туралы да дәл солай айтуға болады. Қақпақ астында 340 күш беретін 3 литрлік агрегат немесе 462 аттың күшіне ие 4.4 литрлік V8. Олардың барлығы 8 сатылы автоматпен жұптаса жұмыс істейді.
Комментариев: 0