BMW X4 моделін шығармайды

Өткен күзде буын алмасқан соң ұлғайып, купе тәрізді өзгерген BMW X2 орта өлшемді X4-ке жақындап, өз араларында бәсекелестік туғызды.

Неміс компаниясы Motor1.com басылымына X2 мен X4 арасындағы баға айырмашылығы азайғандықтан, оларды бірге шығарудың мағынасы жоқ деп түсіндірді. Топтамадан ескі X4 кететіні айдай анық.

Топтамада дебюті бір ай бұрын өткен жаңа X3-тен бір саты жоғары тұратын купе тәрізді көлік келмеске кетті. X2-нің параметрлері ұнамаса, толық өлшемді X6 бар.

Өндіріс айналымы толық аяқталғаннан кейін 2018 жылы жарық көрген BMW X4-тің екінші буыны зейнетке шығады, мұрагері де болмайды. BMW Blog деректеріне сүйенсек, Neue Klasse платформасындағы басқа электромобиль iX4 атауын алады.