BMW X4 енді жолға шықпайды

BMW X3-тің спорттық үлгідегі түрленімі әу баста базалық модель сияқты танымал бола алмаған, кейінгі кезде жағдайы тіпті қиындап кетті. Біз сөз етіп отырған көлік былтыр саудаланған BMW X3/X4 топтамасындағы 401 мың кроссовердің небәрі 20 %-ын құрады деп жазды «Авторевю».

BMWBlog таратқан ақпаратқа сүйенсек, концерн X4-ті өндірістен алу туралы шешім қабылдапты. Жақында жарық көрген X2-нің алдыңғы буыннан әлдеқайда ірі болып, X4-ке қатты ұқсайтын шанақпен шыққаны бекер емес сияқты. Компания ол конвейерден алынатын модельдің ізбасары атанады деп сенуі мүмкін.

BMW X4 енді шықпайды-ау деген күдікті келесі буынының сынақ нұсқасы жоқ екені растайтындай, ал X3 прототиптері бірнеше мәрте көзге түсті.

Дегенмен марка машинаны SUV қатарынан мүлде алып тастамайды. Өйткені 2026 жылға қарай батареялы BMW iX4 жолға шығады.