BMW V8 моторымен жүретін Skytop ретроконцептісін көрсетті

BMW өткен демалыста Skytop концепт-карын таныстырды. Компания мәлімдемесінен гран-турер Concorso d’Eleganza Villa d’Este көрмесіне арналған дизайн бойынша жаттығу ғана екенін аңғаруға болады. Skytop бір жағынан бұрынғы BMW модельдерін еске салса, екінші жағынан бавариялық машиналар болашақта қандай болатынын көрсетеді.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Skytop-ты әзірлеген дизайнерлер Z8 және 503 моделінен шабыт алған. Жаңа өнімнің алдыңғы жағы мен жалпы сұлбасы бірінші модельге ұқсайды, ал екіншісі Skytop негізделген 8-сериялы купені еске салады. Интерьері «сегіздіктің» салонымен бірдей.

Ал жарық техникасы, ауатартқышы бар капот және жүксалғыш қақпағының дизайнына біріккен артқы спойлер концепт үшін арнайы дайындалған. Есік тұтқасы жоғарғы жақта орналасқан. Skytop-тың донордан айырмашылығы, шатыры жүксалғышқа жасыруға болатын екі панель түрінде жасалған.

1 / 7

• 
• 
• 
• 
• 
• 
• 

1 / 7

BMW Z8-бен тағы бір ұқсастығы — агрегаты, машина BMW топтамадағы ең қуатты мотор деп атайтын V8-бен жабдықталған. Шамасы ол M8 Competition-ның 625 ат күшіне ие 4.4 литрлік қозғалтқышы сияқты.

Шоукар болғанына қарамастан BMW Skytop концерннің дизайн бөлімі қай бағытта жұмыс істеп жатқанын көрсетеді. Концепт-карды фирмалық стилистиканың даму жоспары ретінде қарауға болады. BMW мұндағы кейбір шешімді болашақта сериялы модельдерге қолдануы мүмкін.