BMW үшінші серияны екінші рет жаңартты

BMW концерні үшінші сериялы топтаманы буыны ауысқаннан бері екінші рет жаңартты. Седан мен универсалдың салоны сәл өзгеріп, шассиі мен мотор гаммасы толықты, ал флагмандық M3 қуатты әрі жылдам болады. Жаңа «үштіктің» өндірісі шілдеде Германия, Мексика және Қытайда басталады.

Сырт пішінінде ешқандай өзгеріс болмайды: үшінші серия жаңа шанақ түсі және опция ретінде дизайны басқаша 19 дюймдік дөңгелек дискісімен ерекшеленеді (базлық нұсқасы — 17 дюймдік). Интерьердегі басты жаңалық — заманауи BMW 8.5 операциялық жүйесіне ауысқан медиажүйе. Физикалық батырма аз болады. Рөл мен ортаңғы дефлектор өзгеріп, динамикалық жарықтандыру пайда болды: ол белгілі бір оқиғаға, мысалы, есік ашылғанда немесе телефон шырылдағанда түрлі реакция береді. Әрлеу материалдарының саны көбейді.

1 / 6

BMW 330i M Sport

1 / 6

Стандарт седан мен универсалдың мотор гаммасы өзгерген жоқ: BMW үшінші серияны 8 сатылы автоматпен жұмыс істейтін 150–374 ат күшіне ие бензинді және дизельді қозғалтқышпен жабдықтайды. Ал 292 күшке ие гибрид 330e-ге 19.5 кВт⋅сағ жаңа батарея орнатады, соның арқасында оның жүріс қоры артты. Шанақ пен жетек түріне қарай жүріс қоры енді 81–101 км болады. Қуаттау құрылғысының да күші артты.

1 / 6

BMW 330e Touring M Sport

1 / 6

BMW шасси жайлы екі детальді ғана жариялады: артқы амортизатордың бекіту нүктесі күшейіп, рөл механизмінің параметрі өзгерді. Автомобиль енді тегіс емес жолдың өзінде жайлы жүреді.

1 / 5

BMW 330i M Sport

1 / 5

Әдеттегі «үштіктермен» салыстырғанда BMW M3-тің экстерьері біршама өзгерді: спорткарға жақында жаңарған M4 стиліндегі жаңа шам қойылды. Салондағы өзгеріс басқалармен ұқсас. M3 Competition-ге орнатылған флагмандық күштік құрылым ғана механикалық жаңартудан өтті. 3 литрлік алты цилиндрлі мотордың қуаты 510-нан 530 ат күшіне дейін артты, бірақ 650 Нм өзгеріссіз қалды. Алғашқы жүздікті еңсеретін уақыт (3.5 секунд) өзгерген жоқ, бірақ 200 км/сағ-ға дейінгі жылдамдыққа жарты секунд тез жетеді. Бұл көрсеткішті седан — 11.8, универсал 12.4 секундта еңсереді.

1 / 9