Жапонияның автокөлік журналдары кейде ойға сыймайтын болжамдар жасайды. Mag-X журналының соңғы санында авторлар қызық жорамал жасады. Олардың айтуынша, BMW мен Toyota ортақ көлік үлгілерін шығару мақсатында бірігу жөнінде келіссөздер жүргізуі мүмкін және BMW топтамасындағы нағыз жол талғамайтын көліктің құрастырылуы осы мақсаттағы келесі қадам болады-мыс.
BMW-ның ресейлік және кейбір шығыс елдеріндегі клиенттері компания басшыларынан дәл сондай көлікті сұрауда. Оларға Toyota Land Cruiser-дің жол талғамайтын қасиетіне және BMW-ның жайлылығы мен опцияларының кең таңдауына ие автокөлік қажет.
Жаңа темір тұлпардың негізінде Toyota әне-міне көпшілікке таныстырайын деп отырған Land Cruiser 300 платформасы жатады деген болжам бар. Mag-X авторлары жасаған мәлімдеменің рас-өтірігін анықтау қиынға соғады, десе де бірқатар БАҚ өкілдері Toyota мен BMW-ның ресми ақпарат беруін сұрады.
Комментариев: 0