BMW родстері 170 мың долларға бағаланды

Bring a Trailer аукцион порталында сирек кездесетін Z сериялы BMW сатылады. Бұл 2000-2003 жылдары жарық көрген Z8 моделі. 5703 данасы шыққан родстердің 2543-ін АҚШ тұрғындары алыпты. Біз сөз етіп отырған көлік солардың бірі.

2003 жылғы автомобильге Невада штатына қарасты Рино қалашығының тұрғыны иелік етті. 19 жылда екі есікті машина 27 мың шақырым жол жүрген.

1 / 11

• 
• 
• 
• 
• 
• 
• 
• 
• 
• 
• 

1 / 11

Иесі көліктің жағдайы тамаша екенін жазыпты, дегенмен шанағында бір-екі сызат бары байқалады. Z8-бен бірге берілетін қатты шатыры сырылған, одан бөлек сол жақ бүйіріндегі қаптама ауыстырылған екен, оны жүргізуші тұрақта майыстырып алыпты.

1 / 8

• 
• 
• 
• 
• 
• 
• 
• 

1 / 8

Машина BMW M5-тен алынған S62 индексті 4.9 литрлік V8-бен жүреді. Мотор 400 ат күші мен 500 Нм моментті 6 сатылы механикалық қорап арқылы артқы дөңгелектерге береді.

Қазір Z8-дің бағасы 170 мың долларға жетіп қалды. Бәссауданың аяқталуына әлі бірнеше күн барын ескерсек, темір тұлпардың құны 200 мыңнан асуы мүмкін. Айта кетерлігі, көлікті иесі 2003 жылы 134 295 долларға (қазіргі ақшамен есептегенде 210 мың) сатып алған екен.