BMW Ресейде толық циклды зауыт салады деген ақпарат 2013 жылдан бері айтылып келеді. Ал 2019 жылы бавариялықтардың арнайы инвестициялық келісімшартқа қол қоюға ниетті екені белгілі болды. Келісім нәтижесінде «Храброво» технопаркінде кәсіпорын салынуы тиіс еді.
Алайда BMW Russia басшысы Штефан Тойхерт «Газета.ру» порталына берген сұхбатында автоөндіруші өкілдері мен жергілікті билік өзара тиімді келісімге келе алмағанын, сондықтан BMW бұл елде толыққанды зауыт салмайтынын айтты.
Дегенмен концерн 1999 жылдан бері BMW көліктерін ірі торапты әдіспен шығарып жатқан «Автотор» компаниясымен серіктестігін әрі қарай дамытуды жоспарлап отыр.