BMW ойдан шығарған жаңа өнімдерін көрсетті

1 сәуірде өткен Күлкі күніне орай BMW екі ерекше моделін ұсынды. Олар — M2 спорткупесінің арнайы нұсқасы және тректе жүретін M3 GT3 Evo. Рендері BMW-ның ресми әлеуметтік желілерінде пайда болды. Әзіл ретінде жасалғанымен, БАҚ өкілдері спорткарлар автосалонға шыққанын қалаймыз деп жазды.

1 / 10

• 
• 
• 
• 
• 
• 
• 
• 
• 
• 

1 / 10

Концерн BMW M2-ні Dakar-ға (Porsche 911 сияқты) қатысатын түрленім ретінде ұсынды. Купе жалпақ дөңгелек аркалары, қосымша жарық техникасы және астын қорғайтын пластинасы бар жаңа бастырықпен жабдықталды. M2 Dakar-дың клиренсі ұлғайған және ол қосалқы дөңгелегі бар экспедицияға арналған жүксалғыш алған.

1 / 5

• 
• 
• 
• 
• 

1 / 5

BMW M Motorsport бөлімшесі M3 GT3 Evo жарыс машинасын M3 Touring GT3 деп аталатын универсалға айналдырды. Негізінен бес есікті модель қазіргі BMW жарыс болидінен тек шанақ түрімен ерекшеленеді, тіпті үлкен антиқанаты сақталыпты. Жанармай багының мойны артқы бүйірлік терезенің орнын алмастырған пластик панельге жайғасты.

Кейбір басылым жол талғамайтын M2 жақсы бизнес-идея екенін және Porsche мен Lamborghini сияқты BMW да спорткардың шектеулі нұсқасын жасай алатынын атап өтті. Мысалы, Motor1 редакциясы BMW осындай көлікті қымбатқа сатып, әзірлеуге кеткен шығынның орнын оңай толтыра алады деп сенеді, өйткені M2 Dakar-ға міндетті түрде клиент табылар еді. CarBuzz «Таптырмас дүние» деп қысқа қайырды.