BMW-ның салон сүзгісін ауыстыру өртке себеп бола ма?

Жол қауіпсіздігі жөніндегі ұлттық басқарма (NHTSA) BMW-мен бірлесіп, ерекше проблема туралы хабарлады. 2023–2026 жылдары шыққан 5 және 7-сериялы модельдерден, соның ішінде M5 Touring және электрлі i5 пен i7-ден ақау табылған. Бұл машиналардың салон сүзгісін дұрыс ауыстырмаса, қысқа тұйықталу салдарынан көлік өртенуі ықтимал.

Қолда бар ақпаратқа сүйенсек, былтыр наурызда BMW сым балқып кеткені жөнінде бірнеше оқиғадан хабардар болған. Ішкі тексеріс барысында инженерлер панель ішіндегі сымдардың орналасуында проблема барын анықтапты, салон сүзгісін ауыстырған кезде оларға зақым келуі мүмкін екен.

Сервистік кампанияға 58 713 автомобиль қатысады. Бірақ BMW өкілдері олардың небәрі 0.1 %-ында кемшілік бар деп болжап отыр. Аталған акцияға іліккен көлік иелері сәуірден бастап сервистік орталыққа бару жөнінде хабарлама алады.