BMW мотоциклге арналған 2 литрлік қозғалтқыш жасады

Италиядағы Комо көлінің жағасында өткен Concorso d’Eleganza Villa d’Este көрмесінде BMW Skytop гран-турерінің концептісін ғана емес, R 20 индексті мотоциклді де көрсетті. Ол екі цилиндрлі оппозит қозғалтқышпен жүреді.

Байктың басты ерекшеліктерінің бірі — қозғалтқышы. R 20 белгісі 2000 куб көлемін көрсетеді. Бұл BMW Motorrad-тың және мотоцикл нарығындағы ең ірі көлемді күштік құрылымның бірі, бірақ оны көлемі 2458 кубқа тең алып Triumph Rocket 3-пен салыстыруға келмейді. BMW мотордың қуаты мен тарту күшінің сипаттамасын әлі жарияламады.

BMW R 20 әзірге концепт, компания бұл модельдің серияға шығу ықтималдығы туралы үнсіз қалуды жөн көрді. 2019 жылы дәл осы Concorso d’Eleganza Villa d’Este көрмесіне R 18 шоу-байк ретінде қатысқан, қазір брендтің мотосалонында оның бірнеше нұсқасы сатылады.

1 / 9

• 
• 
• 
• 
• 
• 
• 
• 
• 

1 / 9

Бренд жобаға шынайы көңіл бөлгендіктен, R 20 нарыққа шығады деген болжам бар. Мотоцикл хром-молибден рамамен, маятникпен, жаңа май радиаторымен, Öhlins аспасымен және алдыңғы жағы 6 поршеньді ISR тежеуішімен жабдықталған. Инженерлер аспаптар панелі сияқты кейбір компонентті R 12-ден алды. Мотоциклге 17 дюймдік шабақты дискілер орнатқан, ал ашық қызғылт түсті бензин багы 1970 жылдарды еске түсіреді.

BMW сериялық R 18-ді концептінің дебютінен бір жылға жуық уақыт өткенде таныстырған. R 20 моделі 2025 жылдың екінші жартысында жолға шығуы мүмкін.