BMW мен Porsche Қытайдағы премиум сегментте жергілікті седаннан оза алмады

Еуропаның премиум брендтері Қытайда позициясын жоғалта бастады. Bloomberg сарапшылары Mercedes-Benz-пен бәсекелесетін Maextro S800 седанының саудасына сүйене отырып осындай қорытындыны жасады. Қарашада компанияның жалғыз моделі Германиядағы қарсыластарын басып озды.

1 / 10

• 
• 
• 
• 
• 
• 
• 
• 
• 
• 

1 / 10

Сарапшылардың мәліметінше Қытайда Maextro S800-дің қарашадағы саудасы 7-сериялы BMW мен Porsche Panamera-ны қосқандағы көрсеткіштен жоғары. Huawei мен JAC бірлесіп құрған брендтің алғашқы өнімі Mercedes-Benz S-класс пен оның Maybach нұсқасынан асып түсті. Өндіруші қазір айына 2000-нан астам автомобиль сататынын хабарлады және бұл көрсеткішті екі есе арттырмақшы.

1 / 11

• 
• 
• 
• 
• 
• 
• 
• 
• 
• 
• 

1 / 11

Модельдің басты артықшылықтары — сән мен қосымша жабдықтардың қарсыластармен бір деңгейде болуы және қолжетімді баға. Ұзындығы 5.5 метрге жететін S800-дің бағасы 700 мың юаньнан (51 млн теңге) басталады. 7-сериялы BMW 920 мың юань (67.3 млн теңге), Panamera кемінде 1.1 млн юань (80.5 млн теңге), S-кластың базалық нұсқасы 1.5 млн юань (110 млн теңге) тұрады. Қытай седаны 530 ат күшіне ие моторы бар электромобиль (жүріс қоры 700 шақырымға жетеді) немесе дәл осындай 530 не 863 ат күшін беретін гибрид ретінде шығады. Гибрид түрленімі электр қуатымен 400 км еңсере алады.

Huawei мен JAC альянсы машинаны клиенттерге тамызда жеткізе бастайды. Желтоқсанның ортасында Maextro он мыңыншы автомобилін құрастырып, оны танымал актер Джет Лиге табыстады. Сауданың біртіндеп өсуі Қытайда жақында электромобиль алатындарға берілетін субсидияның қысқаратынымен байланысты болуы мүмкін.

Maextro мұндай қарқынды сақтап қалу үшін 2026 жылы жаңа модельдер ұсынады. Марка дөңгелек базасы әртүрлі кроссоверлер мен минивэндер шығармақшы.