BMW көліктері зауыттан тікелей Ресейге жол тартқан

BMW ішкі тексеріс барысында санкцияны бұзған қызметкерлерді жұмыстан шығарды деп хабарлады DW басылымы. Бұған дейін Business Insider Ганновер филиалынан Ресейдегі клиенттерге 100-ден астам жаңа BMW тікелей жеткізілгенін мәлімдеген.

Тергеу нәтижесінде 2022 жылы күшіне енген Ресейге көлік жеткізуге тыйым салатын шектеуді айналып өтетін жасырын экспорт жолы анықталды. Сол жылы Мәскеу билігі параллель импортқа, яғни өнімді заңды иесінің рұқсатынсыз әкелуге ресми түрде рұқсат берген еді.

BMW санкция шарттарын сақтайтынын, бірақ машиналар сұр схема арқылы Ресей нарығына түсуі мүмкін екенін мәлімдеді.