2014 жылдан бері 20.5 мың BMW i8 жарық көрді. Қымбат әрі техникалық жағынан өзгешелеу үлгі үшін бұл үлкен жетістік. Барынша жақсы жабдықталған соңғы 18 спорткар басқаларынан дербестендіру деңгейінің жоғарылығымен ерекшеленеді.
Машинаның техникалық құрылымы алты жыл ішінде еш өзгермеді. 1.5 литрлік бензинді турбомотор мен электрлі қозғалтқыш 374 ат күші мен 570 Нм айналу моментін береді.
Қазақстанда BMW-ның ресми сайтында i8 купесінің бағасы 67.3 млн теңге, ал родстер құны 74.8 млн теңге деп көрсетілген, бірақ олардың сатылымда бар-жоғы белгісіз. Себебі мұндай автокөліктер әдетте тек тапсырыс бойынша жеткізіледі. Kolesa.kz-те 2 300 шақырымды еңсерген 2015 жылғы BMW i8 47.3 млн теңгеге сатылуда.
Комментариев: 0