BMWblog концерннің болашақ электромобильдеріне арналған BMW Neue Klasse платформасы туралы мәлімет берді. Зерттеу және инженерлік жұмыс бөлімінің басшысы Фрэнк Вебер жаңа платформа бір, екі, тіпті төрт қозғалтқыштан тұратын күштік құрылымдарды көтере алатынын, ал оның икемді болуы түрлі класты машина құрастыруға мүмкіндік беретінін айтты.
Жоғары вольтты электрлі платформаның түрленгіштігі мен бір мегаваттқа дейінгі қуаты оны аса жылдам модельдер жасауға ыңғайлы етеді. Дегенмен концерн алдымен қарапайымдау седан өндіреді.
Сонымен қатар BMW Neue Klasse гиперкар мен суперкроссовер құрастыруға қолданылуы мүмкін. Олардың жобасын автоөндіруші британиялық McLaren Automotive-пен бірлесе әзірлейді. Бірақ бұл әзірше ресми расталмады.
Комментариев: 0