BMW компаниясы Vision M Next деп аталатын концептуалды суперкарды таныстырды. Бұл 600 аттың күшіне ие гибридті күштік қондырғысы бар және шанағы карбоннан жасалған купе. Көлік дизайнындағы бірден көзге түсетін нәрсе — оның дәстүрлі «танауы».
Қақпақ астына 600 арғымақтың күшін беретін гибридті күштік қондырғы орнатылған. Ол артқы осьтегі екі электромотор мен 2 литрлік бензинді турбомотордан тұрады. Концепт 100-ге дейін үш секундта екпін алады, ал ең жоғарғы жылдамдығы 300 км/сағ межесімен шектеледі.
Автокөлік толықтырылған шынайылық, озық жүргізуші ассистенті сияқты алдыңғы қатарлы технологиялармен жабдықталған.
Vision M Next үлгісінің сериялық өндірісі туралы жоспармен байланысты сұраққа BMW тура жауап бермеді. Марка өкілдерінің айтуынша, соған ұқсас көлік клиенттер қызығушылық танытқан жағдайда ғана шығуы мүмкін. Десе де концептінің кейбір бөліктерін бавариялық марканың болашақ үлгілерінен көретініміз анық.
Комментариев: 0