BMW бесінші сериялы универсалдың ресми суретін жариялады

Компания жаңа «бестіктің» седан нұсқасын мамырда таныстырған, ал универсалды енді дайындап жатыр. Төрт есікті G60-ты Еуропада бірнеше күннен кейін саудалай бастайды, ал Touring 2024 жылы көктемде салондарда тұруы мүмкін.

Алғашқы ресми суреттен универсал ортаңғы тірекке дейін тура седан сияқты болатынын аңғарамыз. Артқы жағы шағын спойлер және бесінші есіктің динамикалық иілгіштігі машинаға спорттық пішін беріп тұр. Қазанның басында автомобильдің патенттелген суреттері тараған еді, ода терезе асты сызығындағы өзгеріс және артқы шам көзге түскен.

BMW компаниясы универсал нұсқада седанның күштік құрылымы қайталанатынын растады. Яғни, BMW 5 Series Touring бензинді немесе дизельді мотормен ғана емес, plug-in-гибридпен ұсынылады. Сонымен қатар «бестіктің» батареялы нұсқасы да шығады. Седанның тұсаукесерінде бренд екі күштік құрылымды (бір және екі моторлы) таныстырған. Қазір электрлі i5 (601 а.к.) эмка ретінде ұсынылып жүр. Алдын ала мәлімет бойынша екі шанақта да М-модификация болады. Ол үшін XM кроссоверінің гибрид жетегін бейімдеп жатыр деген сыбыс бар. Осылайша M5 800 ат күшін беретін қозғалтқышпен жабдықталуы ықтимал.

BMW 5 Series Touring-ті 2024 жылдың көктемінде таныстырамыз деді. Сол себепті қымбат, бірақ төзімді көлікті күтуге тура келеді.

Германияда седан 21 қазанда саудалана бастайды, америкалық дилерлерге араға бір апта салып жетеді.