BMW мен Mercedes-Benz — ежелгі қарсыластар, олардың бір-бірін басып озуға деген талпыныстары еш бәсеңдеген емес. Дәстүр бойынша әр жылдың басында автоөндірушілер жылдық сатылымға қорытынды жасап, жетістіктерімен бөліседі. 2019 жылы штутгарттық марка оқ бойы озық шықты. Олар былтыр 2.3 млн көлік сатса, мюнхендік әріптестері тек 2.2 млн темір тұлпар сатыпты.
BMW жалпы есепте Mercedes-Benz-ке жол бергенмен, қуатты үлгілерге қатысты жағдайы мүлде басқаша. 2019 жылы әлем бойынша атауында «М» қосымшасы бар 136 мың көлік сатылса, тек 132 су жаңа AMG өз иесін таба алған.
BMW тағы бір қызықты ақпаратпен бөлісті. Марканың бүкіл әлем бойынша сатылған машиналарының жартысына жуығы агрессивті бастырығы бар және салоны өзгеше әрленген М-пакетпен жабдықталған екен.
Естеріңізге сала кетейік, Қазақстанда Mercedes-Benz үлкен сұранысқа ие деп айту қиын. Біздің елде BMW-ның үлесі басым. 2019 жылы дилерлер 605 BMW сатса, «мерседестің» небәрі 176 данасы ғана өз иесін тапты.
Комментариев: 0