BMW 740iL (E38) аукционға шықты

Америкалық онлайн-аукциондардың біріне 1999 жылғы ақ BMW 740iL шықты. Жиырма жыл ішінде седан бар-жоғы 13 мың миль (21 мың шақырым) жол жүріпті.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Аса сәнді «жетіліктің» тарихын сатушылар ашып айтқан жоқ. Қазіргі иесі 2018 жылы алғаны ғана белгілі. Соңғы бес жылда автомобиль 200 миль жолды еңсерген. Дәл осы 740iL бұған дейін де электронды саудаға қойылған. Бірақ былтыр автомобиль үшін қажет соманы төлейтін сатып алушы табылмады.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Сұр салонды машинаның жабдықтар тізімінде 18 дюймдік M Parallel Style 37 дөңгелек дискілері, люк, моторлы перде, алты диск сыятын CD-чейнджер, зауыттық навигация жүйесі, бөлек климат-бақылау және электронды басқарылатын аспаны қоса алғанда көптеген опция бар.

Автомобильге кейін орнатқан жарық техникасын айта кеткен жөн. Көлік қожайыны оны не себепті ауыстырғанын айтпады, бірақ түпнұсқа артқы оптикасы аспаптар жиынтығымен бірге жүреді деді.

BMW 5 сатылы автоматпен жұптаса жұмыс істейтін 4.4 литрлік V8-бен қозғалады. Агрегат 280 ат күші мен 440 Нм айналу моментін береді.

Бағасы 18 мың долларға жетіп қалды, бірақ болжам бойынша 45–50 мыңға дейін көтерілуі мүмкін. Алғашқы иесі седанды 72 610 долларға алған екен.