BMW АҚШ-та бірнеше модельді қайтару туралы жоспарын жариялады. Олардың қатарында M340i, X4 M40i, 540i, 745Le, X3 M40i, Z4 M40i және 2019 жылдың басынан 2021 жылы 28 шілдеге дейін шығарылған Toyota Supra бар. Сервистік кампания қамтитын көлік саны 50 мыңнан асады.
Бұған вакуумды күшейткіштің зақымдалуы салдарынан тежеуіштің істен шығуы себеп болды. Вакуумды күшейткіштегі ақау бағдарламалық жасақтамадағы қате салдарынан пайда болуы мүмкін.
BMW мамандарының айтуынша, мәселе қозғалтқышты іске қосатын батырманы қатарынан бірнеше рет немесе тежеуіш педалін сәл түсіру арқылы басқанда туындауы мүмкін. Күшейткіш бірден істен шықпайды, ақау көлікті бірнеше рет тежеген соң пайда болады.
Қазір аталған мәселемен сервиске 29 адам жүгінген. Барлық көлік иелеріне хабарлама жіберіледі. Сервистік кампания 1 қазанда басталады.
Комментариев: 0