BMW жаңа 2 сериялы Gran Coupe-ні таныстырды. Автомобиль марканың алдыңғы жетекті архитектурасына негізделген, сырт пішіні брендтің қазіргі дизайн стиліне сай келеді әрі өлшемі аздап өсті. Мысалы, ұзындығы 20 мм, биіктігі 25 мм ұлғайды. Екінші буындағы машинаның өлшемі — 4546×1800×1445 мм, дөңгелек базасы — 2670 мм.
Gran Coupe-нің салоны атауында Active Tourer қосымшасы бар «екілікке» ұқсайды. Қос модельдің екі дисплейден тұратын планшеті, рөлі және көптеген батырмасы бірдей. Ал алдыңғы панель мен ортаңғы консоль архитектурасы айтарлықтай өзгеше. Жабдықтар тізімінде алдыңғы креслодағы опция ретіндегі массаж функциясы, 12 динамигі бар Harman/Kardon аудиожүйесі және BMW OS операциялық жүйесінің ең жаңа итерациясы бар.
Техникалық жағына келетін болсақ, машина нұсқасына қарай 241-312 ат күшін беретін 2 литрлік турбомотормен жүреді. Сондай-ақ топтамада 170 ат күшіне ие 1.5 литрлік үш цилиндрлі турбомотор мен 150 ат күшіне ие 2 литрлік турбодизель бар. Модельдің M235 сияқты қымбат түрленімінің атауында xDrive қосымшасы және толық жетек жүейсі болады.
Модельдің барлық күштік құрылымы енді 8 сатылы автоматпен емес, 7 сатылы робот қораппен жұмыс істейді.
BMW 2-Series Gran Coupe өндірісі Германияда биыл жыл аяғына дейін басталады, модель саудаға 2025 жылдың басында шығады. Автомобиль АҚШ-та қанша тұратыны белгілі: алдыңғы жетекті 228 sDrive Gran Coupe нұсқасының бағасы 40 775 доллардан (20 млн теңге) басталады. Ал дәл осындай индексті, толық жетекті түрленімі бұдан 2000 доллар қымбат құрады (20.9 млн теңге).
Комментариев: 0