Tesla Cybertruck-тың алғашқы иелері электрлі пикаптарын түрлі жағдайда сынап жатыр. Бұл жолы су басқан жолды кешіп өтетін Wade Mode режимі тексерістен өтті. Оны іске қосқанда клиренсі жоғары көтеріліп, аккумуляторы қысымға толады. Осы функцияны қосу үшін 10 минут кетеді және небәрі 30 минутқа жетеді.
Cybertruck-ты тәуелсіз сынақтардан TechRax YouTube каналы өткізіп жатыр. Жүргізуші су басқан жолдың тереңдігін ұлғайтып, көлікпен ары-бері жүріп өтті. Машина тоқтамай, жақсы жүрді, салоны құрғақ күйінде сынақтың барлық кезеңіне төтеп берді.
Дегенмен сәтсіздіктер де болды. Су ағынынан қанат астындағы жұмсақ қорғаныс пен артқы бампер бітеуіші шығып кетті. Бірақ ең басты жағымсыз жаңалық — шанақ қақпағы мен ашылатын бортты басқаратын сенсорлы түйменің істен шығуы. Tesla су өткізбейтін пульт жасағанда қателескен сияқты.
Комментариев: 0