Былтыр оңтүстік астана әкімдігі ұзындығы 200 шақырым болатын 175 көшеде орташа жөндеу жұмысын жүргізді. Ал биыл жол жөндеушілер 274 көшенің 250 шақырымын жөндеуді жоспарлап отыр.
Әкімдік хабарланғандай, мамандар 20 магистральді көшеге 2023 жылы Абай даңғылына төселген полимерлі асфальтбетон төсейді, ол өте берік болады. Жөндеуден өткен жол бөліктерінде 36 сағат бойы қозғалыс шектеледі.
Жолға асфальт төсеу жұмысы халыққа қолайсыз болмасын деп түнде жүріп жатыр. Сондай-ақ мамандар жолға қосымша қозғалыс аумағын жасап, жаяу жүргіншілер өткелін салады және тротуар мен су ағатын арықтарды жөндейді.
Қалалық мобилділік басқармасы Kolesa.kz редакциясына биылғы жол жөндеу жұмысы жоспардағы кезеңнен кеш басталғанын айтты. Өйткені мердігер таңдау ұзаққа созылыпты. Бірақ жол жөндеушілер құрылыс маусымы біткенше барлық жұмысты аяқтауға уәде беріп отыр. Магистральды көшелер — тамыздың аяғына дейін, ал аудандардағы көшелер қазанның аяғына дейін дайын болады.
Бұған дейін әкімдік биыл Сейфуллин, Рысқұлов, Жандосов, Сәтбаев, Момышұлы, Сүйінбай, Өтеген батыр және т.б. көшелер жөндеуден өтетінін хабарлаған. Толық тізіммен мына сілтеме арқылы өтіп, танысуға болады.
Комментариев: 0