АҚШ-тағы бәссауда өткізетін порталдардың бірі 2003 жылы шыққан Toyota Prius-ты сатуға қойды. Машина сырттай жап-жаңа көрінеді. Интерьері де дәл сондай.
Көліктің жақсы сақталып, жолға сирек шыққанын одометрдегі көрсеткіш (21.4 мың шақырымға жуық) те растайды. Сатушылар көлікке 2020 жылға дейін егде жастағы ерлі-зайыптылар иелік еткенін және жақын маңдағы дүкенге бару үшін ғана қолданғанын айтады.
Toyota Prius 1.5 литрлік бензинді мотор мен шағын электромотордан тұратын гибрид күштік құрылым арқылы қозғалады. Агрегат 114 ат күші мен 450 Нм момент береді. Батарея блогының жағдайына қатысты мәлімет жоқ, тек оның 18 жыл бойы ауыстырылмағаны белгілі.
Prius-тың бағасы жайлы ақпарат берілмеді. Қазір оннан аса адам аукционға қатысып жатыр. Ұсынылған ең жоғарғы баға — 4.5 мың доллар (2 млн теңгеден сәл кем).
XV10 индексті «Приусты» Қазақстанда табу қиын емес. Kolesa.kz порталында бұл модельдің 20-дан астамы бар. Бағасы 1.1-2.9 млн теңге аралығында.
Комментариев: 0