Бірегей Mercedes-Benz аукционға қатысады

RM Sotheby’s аукцион үйі өте ерекше және сирек кездесетін Mercedes-Benz 300 SL Gullwing-ті сатады. Бұл экземплярдың өмірбаяны ерекше. Соңғы иесі оны 1970 жылдардың ортасында алып, содан бері спорткарды бірде-бір рет пайдаланбапты. «Шағала қанаты» тәрізді ашылатын есігі бар машина 4.5-6 млн долларға бағаланып отыр.

1950 жылдардың ортасында шыққан 300 SL-дің жалпы тиражы онсыз да аз болатын. Бірақ автомобиль тарихшылары спорткарлардың ішінде өте сирек кездесетін Alloy Gullwing нұсқасына ерекше назар аударады. Оның небәрі 29 данасы жарық көрген. Олар жарыс жолына бейімделді. Mercedes-Benz мұндай купені «джентльмен-шабандоз», яғни әуесқой спортшыларға арнаған.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Alloy Gullwing-тің салмағы алюминий шанақ панельдері мен плексигластан жасалған әйнегінің арқасында жеңіл. Ол қуатты қозғалтқышпен, басқаша трансмиссия және қайта бапталған аспамен жабдықталады. Мұндай спорткар қымбат болғандықтан, компания оны көп шығармаған. Алғаш шыққанда мұндай спорткар танымал болмады, бірақ қазір коллекционерлер арасында жоғары бағаланады.

Аукционда жиырма алтыншы болып жасалған 300 SL спорткары саудаланады. Барлығы зауыттан күміс түстес шанақпен шықса, бұл көлік қара түске боялған. Оның алғашқы иесі америкалық Луиджи Чинетти болды. Автомобиль бизнесінде үлкен рөл атқарған Чинетти NART жарыс командасының негізін қалаушы, спортшы және Ferrari-дің Солтүстік Америкадағы ең ірі дилерлерінің бірі. Ол 300 SL Alloy-ды Маранеллодан шыққан машиналармен салыстыру үшін алған.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Чинетти спорткарды 1956 жылы сатып алып, 20 жыл тізгіндеген, бір кездері оны зауыттық қара түстен күміс түске бояған, 1976 жылы сатып жіберді. Темір тұлпарды Руди Кляйн деген коллекционер алған, ол раритет жинауға құмар болғанымен, көлікке деген қызығушылығын бірден жоғалтыпты. Көптен күткен спорткарды алған соң Кляйн оны сарайда сақтап, мүлдем ұмытып кеткен. Мұрагерлерінің айтуынша Руди сирек кездесетін Mercedes-ті ешқашан пайдаланбаған.

Жылдар бойы қозғалмаған көліктің жағдайы мәз емес, бірақ аукцион үйі бұл 300 SL түпнұсқа күйде сақталған әлемдегі жалғыз Alloy Gullwing болуы мүмкін дейді. Басқалары жарыста жиі апатқа түсіп, талай жөндеуден өтсе, бұл көлік бастапқы күйінде сақталған. Көзге көрінетін жалғыз зақым артқы бөлігінде, оны 1981 жылы Кляйннің сарайында тиегіш соғыпты.

Кляйн коллекциясы RM Sotheby’s аукцион үйінде қазанның аяғында саудаға түседі. Жаз аяғында ғана белгілі болған бұл жинақ «Үйінді» деген атау алды. Кляйн біршама раритет жинаған, бірақ көбіне күтім болмағандықтан, тот басып, металл үйіндіге айналды.