Бірегей Lamborghini Diablo саудаға шығады

RM Sotheby’s аукцион үйі жабық сауда өткізеді, оған бір ғана лот  — Lamborghini Diablo SV родстер қойылады. Компания тек екі көлік құрастырған, оның біреуі прототип болды. Яғни, әлемдегі жалғыз Diablo SV қазір біреудің қолында. Аукционшылар қанша пайда табатынын болжай алмайды.

1 / 23

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 23

Суперкар тұсаукесерінен кейін бес жылдан соң 1995 жылы Lamborghini Diablo-ның SV (Super Veloce) нұсқасы пайда болды. Бұл автомобильдің сырт пішіні сәл түрленгенімен, негізгі айырмашылық күштік құрылымында болды: 5.7 литрлік V12-нің күшін 517-ге дейін арттырды, ал трансмиссиясында толық жетек жүйесін пайдаланбады.

1 / 3

• 
• 
• 

1 / 3

Компания 1990 жылдың аяғында толық жетекті Diablo VT родстерінен кейін Diablo SV-дің кабриолет нұсқасы туралы ойлана бастады. Модельдің алғашқы прототипін 1998 жылы Женева автосалонында көрсетті. Оны 530 ат күшін (605 Нм) беретін жақсарған V12 моторымен және күшті тежеуіштермен, жаңа аэродинамикалық бөлшектермен, алдыңғы осьтегі кедергілерден өтуге арналған шанақты көтеру жүйесімен жабдықтады.

Көп адамның көңілінен шықса да, бірқатар себепке байланысты компания жобаны тоқтатуға мәжбүр болды. Жалғыз Diablo SV родстері Lamborghini-дің Миландағы үздік дилерінің сұрауы бойынша жасалды.

1 / 7

• 
• 
• 
• 
• 
• 
• 

1 / 7

Суперкар ашық сары түске боялған, карбон ендірмелері, үлкен антиқанаты бар. Салоны тігісі сары қара алькантарамен әрленген. Родстерден арнайы алдыңғы бампер, дөңгелектер, ақ аспап шкаласы және бүйірлік жапсырмасын қосқанда, SV топтамасының барлық нышаны байқалады.

Суперкардың бірегейлігі оны мақсатты пайдалануға кедергі келтірмеді.1998 жылдан бері родстер 43 мың шақырымға жуық жол жүрген. Алайда коллекциялық автомобиль мінсіз жағдайда.

Аукционшылар оны жалпы жолда жүре алатын ең сирек кездесетін Diablo деп атады. Сауданың нәтижесі, Diablo SV қандай бағаға сатылғаны құпия қалуы мүмкін.