Компаниялар тобының басшысы Анатолий Балушкин кәсіпорынмен келісімнің бұзылғанына қатысты пікір білдірді. Кәсіпкер министрлікті тыңдауға да, диалог құруға да құлқы жоқ деп айыптады.
Негізгі аргументі — басқа өндірушілермен салыстырғанда дәреженің тең болмауы, жеңілдіксіз өндіріс жұмыстары тиімсіз, адамдар жұмыссыз қалады (қазір зауытта 600 адам еңбек етеді), дегенмен ҚР ИИДМ ондай шектеу қоймаса да, кәсіпорынды қосымша құн салығы мен кедендік төлемдерден босату, утилизациялық алым сомасын қайтару сынды жеңілдіктерден айырды.
Балушкиннің сөзінше, «Оператор РОП» биыл сәуірден бастап осы күнге дейін 14 млрд теңге төлеуі тиіс. Компания осы ақша беріліп, жаңа өндіріс орны салынады деп үміттенген. Болған жағдай қарыз алуға да мүмкіндік бермей отыр, себебі мекеменің статусы жоқ.
«БИПЭК Авто» дилерлік желісінің жұмысы тоқтаған жоқ, менеджерлер жаңа көліктерге тапсырыс қабылдап жатыр. Бірақ баға өзгерді. Мысалы, Kia елге дайын күйде келе бастады, енді Rio бағасы 6.4 млн теңгеден (сәуірде 5.5 млн теңге болатын), ал Sportage 11 млн теңгеден (бұрын 9 млн еді) басталады. «Лада» да қымбаттады: базалық Granta 3 млн 690 мың теңге (3 млн 390 мың теңге) тұрады, «Веста» үшін сатушылар 4 650 000 (бұрын 4 250 000 тг) сұрайды.
Анатолий Балушкин толық циклды зауыттың құрылысы қарқынды жүріп жатқанын айтты. Дәнекерлеу және бояу цехы 2021 жылғы сәуірде толық салынып, жабдықталады.
ҚР ИИДМ «Азия Авто» алған жеңілдіктерді қайтаруды талап етуде. Жалпы сома 176 млрд теңгені құрайды.
Комментариев: 0