Қайғылы оқиға 20 желтоқсан күні таңғы уақытта, Рудный — Қашар тас жолында болған. Алдын ала берілген мәліметтер бойынша, көліктердің бірі жолдың қарсы бағытына шығып кеткендіктен, Audi мен Daewoo Nexia бетпе-бет соғылыпты, деп хабарлады «НГ».
Қатты соққыдан жеңіл көліктердің бірі өртеніп, қызыл жалын екіншісін де шарпыған. Апаттың куәгерлері зардап шеккендерді отқа оранған көліктерден шығарып үлгеріпті. Өкінішке орай, үш адам оқиға орнында көз жұмды. Ал аман қалған әйел мен ер адамға дәрігерлердің көмегі қажет болды.
Өрттен екі көлік қатты зақымдап, олардың бірі толықтай жанып кетті. Қазіргі таңда тәртіп сақшылары оқиғаның жай-жапсарын анықтауда. Апатқа көктайғақтың себеп болу мүмкіндігі де жоққа шығарылмайды.
Комментариев: 0