9 қыркүйекте өткен онлайн-брифингте Индустрия және инфрақұрылымдық даму министрлігінің вице-министрі Берік Камалиев жұрттың жол сапасына қатысты шағымы жайлы сөз қозғады.
Ақ жағалының пікірінше, ТМД-ға мүше басқа елдермен салыстырғанда, Қазақстандағы жолдар нашар емес, бірақ расымен мәселе бар. Ол жол құрылысының өзіне тән ерекшеліктерін ескермейтін мемлекеттік сатып алу ережесінен басталып, жобалық-сметалық құжат әзірлеуде жалғасады да, техникалық қадағалау қызметіндегілердің төмен біліктілігімен аяқталады.
Мысалы, құжат даярлау үшін жаңартуды қажет ететін критерийлер қолданылады. Бұл бағытта жұмыс жүргізіліп жатыр. Жаңа нормалар климат жағдайы, топырақтың қату тереңдігі сияқты көптеген маңызды факторларды есепке алады.
Камалиев ведомство жол сапасын жақсарту бойынша кешенді жоспар әзірлегенін атап өтті. Соның аясында мемлекеттік сатып алу процедурасына өзгеріс еніп, қадағалау қызметіне қойылатын талап қатаңдайды, нормативтер қайта қаралып, артық жүк тиеген көліктердің тас жолда қозғалуымен күрес жалғасады. Барлық бағытта автоматты салмақ өлшеу жүйелері іске қосылады.
Вице-министр жоспар бойынша 2025 жылға қарай республикалық маңызы бар жолдар толық жөнделетінін айтты.
тек өзі жүретін жолдарды жөндейді ғой бұл кәпір